गजल

तेरो सम्झना मात्र घरीघरी घर आउछ ।

परदेशी छोरालाई आमाको उत्तर आउछ ।

कस्ता होलान बिधवाका रातहरु,जस्लाई 

सुहागरात र लोग्नेको याद परस्पर आउछ ।  

शिशिरमा जस्तै नांगिएपनी, उजाडीएपनी

बसन्तमा उस्तै मौसम र ययावर आउछ ।

अरे,म कसरी प्रणय गजल लेँखु प्रियसी

खाली देश र देशको अवस्था नजर आउछ ।

सबै प्रमाणपत्रहरु आगो लगाइदिउ र ताँपौ

मनमा कहिलेकाही यस्तो पनि रहर आउछ ।

कसैले यो त बताइदेउ,यी मान्छेहरुको 

कहिले सिङ पलाउछ,अनी पुच्छर आउछ ।